|
Aizawl leh Champhai inkalpawhna, Keifang leh Kawlkulh inkara Tuivawl luikanna Lei (Beiley Bridge) chu nimin chawhma dar 11 vel khan truck, buhfai phurin a zawh chim a, he leiah hia nimin khan eng motor mah kaltlang thei lovin a tang hlawm a ni.
Lei zawh chimtu he truck hi Pu ZK Thanga, Champhai Bethel veng ta a ni a, Lei-ah hian motor chu a tang a. A khalhtu leh a mi phurh hliam an awm lo va, a buhfai phurh chu hlan thlak a ni. Lei a chim avang hian nimin khan a kam tawn tawnah motor leh mihring thahnem tak an tangkhang ani. Lei helna tur hi BRTF-in an siam nghal a, nizan lam kha chuan motor te chi chu an kaltalng theih rin a ni.
Lei hi a tha tawh lo hle nia thu dawn a ni a, chutihlaiin, a inzawmna laia a kilhna te chu hralh atan misualin an thlawn avangin he motor pawh hian a zawh chim nia thu dawn ani. [Read Full Story] [0 Comments]
|